T A J P R O G Ҷумъа, 19.07.2019, 23:56
Приветствую Вас Гость | RSS
Меню сайта

Категории раздела
Забони тоҷикӣ [17]

Наш опрос
Аз кадом фанн маълумотнома лозим аст!
Ҷавобҳо ҳамагӣ: 2299

Статистика

Онлайн ҳамагӣ: 1
Меҳмон: 1
Истифодабаранда: 0


Тарзи таҳияи ҳуҷҷатҳо
09.04.2014, 01:15

Тарзи таҳияи ҳуҷҷатҳо

 

Услуби идорӣ низ монанди шохаҳои дигари услубӣ дорои хусусиятҳои махсуси забонии худ аст, ки муҳимтарини онҳоро ба тариқи  зер метавон нишон дод:

1. Тарзи ифодаи содаву мўъҷаз, ҳаддалимкон сарфа намудани воситаҳои забонӣ. 

2. Бисёр навъҳои ҳуҷҷатҳои идорӣ қолабҳои якрангу умумӣ доранд, ки фикр дар доираи талаби онҳо ифода меебад. Ба ин мақсад одатан варақаҳои тайёр низ истифода мешаванд.

 3. Ифодаи равшани маънӣ, ҳифзи алоқаи байни ҷумлаҳои мураккаб, сершумории масъалаҳои мавриди муҳокима ва ғайра дар услуби идорӣ талаб мекунад, ки дар онҳо пешояндҳои номӣ (мисли, дар бораи, дар хусуси, дар боби, оид ба, роҷеъ ба, ба ҷиҳати, ба сабаби, ба мақсади ва ғайра), пайвандакҳои таркибӣ (аз сабаби он ки, бинобар ин ки, бинобар он ки), таркибҳои гуногуни устувори синтаксисӣ (аз қабили, бинобар ин, ба ин сабаб, ба ин тариқа), аъзоҳои чида ва мисли онҳо фаровон истифода шаванд.

Услуби ҳуҷҷатҳои идорӣ, чунон ки дар боло ишорат ёфт, мукотибаи байни  идораҳо, асноди ҳаррўзаи корӣ (гувоҳнома, варақаи раҳнамо, даъватнома, ариза, қарор…) - ро фаро мегирад. Ҳамаи онҳо хусусияти якранг ва қолабӣ дошта, мухтасар иншо мешаванд.

 

 

  Ба директори ДПДТТ

                         ба номи М.С. Осимӣ

                                         Мақсудов А.Т.

                                                       аз донишҷўи курси II

                                                факултети сохтмон ва нақлиёт

                                               Каримов Дониёр

 

 

Ариза

 

             Хоҳишмандам, маро аз гурўҳи шартномавӣ ба гурўҳи буҷетӣ гузаронед. Ман имконияти пардохти маблағи таҳсилро надорам. Падарам соли 2008 вафот кардаанд, дар оилаамон касе кор намекунад. Бародарам Каримов Шаҳриёр (соли таваллудаш 1990) дар сафи Артиши миллӣ хизмат мекунад.

             Ба ариза ҳуҷҷатҳои зеринро замима менамоям:

             - нусхаи шаҳодатномаи вафоти падарам;

             - тасдиқномаи комиссариати ҳарбии вилояти Суғд.

              

 

  Бо эҳтиром,  Каримов Дониёр                                                 имзо

  14. 02. 2013

 


  

Ба мудири шӯъбаи маорифи

                                                              шаҳри Хуҷанд

                                                              Дадобоев Р.И.

 

 

Дархост

 

               Ҷиҳати таълими донишомӯзон бо компютер ва омӯхтани он хоҳиш менамоям, ки лутфан 5 дона компютерро ба ихтиёри мактаби таҳсилоти умумии № 10 қарор диҳед.

              

Бо сипоси қаблӣ,

мудири мактаб

Муҳаммадҷонова Раъно                                               имзо

25. 10. 2010

 


 

         Ба декани факултети

 муҳандисӣ - иқтисодӣ

 Ахмедов У.Ҳ.

 

 

БАЁНОТ

 

Таърихи 19 декабри соли ҷорӣ аз сабаби бемор будан ва ба дармонгоҳ рафтан дар шанбегии умумидонишгоҳӣ ширкат наварзидам.

 Маълумотномаи тиббӣ замима мегардад.

 

 

 

Бо эҳтиром,

донишҷӯи курси якум,

гурӯҳи 40.01.02тб

Абдунабиев Соҳиб                                                   имзо

 

21. 02. 2010

 

 

 


 

КУМИТАИ ДАВЛАТИИ ТАЪМИНОТИ МОДДИЮ ТЕХНИКИИ ҶУМҲУРИИ ТОҶИКИСТОН

 

1 апрели соли 2008                                                                                  шаҳри Душанбе

 

 

ФАРМОНИ №124 Р

Дар бораи рӯзи истироҳат

 

Мутобиқи қарори 23 марти 2008 № 992-и

Шӯрои  Вазирони Ҷумҳурии Тоҷикистон

 

 

ФАРМОН МЕДИҲАМ:

 

1. Рӯзи истироҳат аз якшанбеи 5 апрел ба рӯзи ҷумъаи 3 апрел оварда шавад.

 

 

 

 

Мудир

Сафари Каримзод                                                                                имзо

 

 


 

Тарҷума ҳол

Ман, Каримова Маҳбуба Холиқовна  20 майи соли 1980 дар шаҳри Хуҷанд дар оилаи омўзгор  таваллуд ёфтаам. Дар соли 1987 ба синфи якуми мактаби миёнаи №5 ш. Хуҷанд рафта, он мактабро соли 1998 бо медали тилло тамом кардаам. Дар солҳои таҳсил дар корҳои ҷамъиятӣ иштирок доштам. Дар синфҳои 6 – 8 сардори синф, 9 – 10 роҳбари маҳфили умумимактабии табиатшиноси ҷавон будам. Дар соли 1997  ғолиби Олимпиадаи – 97- и  ҷумҳурӣ аз фанни физика гардида ,соҳиби дипломи дараҷаи II шудам.

          Дар соли 1999 ба факултети иқтисодиёт ва бизнеси Филиали Хуҷандии Донишгоҳи технологии Тоҷикистон  дохил шудам, то ҳол дар курси дуюми ихтисоси иқтисодиёт таҳсил дорам. Имтиҳони се семестрро бо баҳои хубу аъло супоридам, узви маҳфили илмии донишҷўён – Иқтисодчиёни ҷавон мебошам.

         Оилаи мо аз  панҷ  нафар  иборат аст. Падарам Каримов Холиқ дотсенти Донишгохи давлатии Хуҷанд  мебошад.

         Модарам Каримова Матлуба дар боғча мураббӣ шуда кор мекунад.

         Бародарам ва хоҳарчаам мактабхон мебошанд.

                            /имзо/                                                         /сана/ 

 

Саволҳо аз рӯи мавзӯъ:

1. Дар забони тоҷикӣ кадом услубҳо мавҷуданд?

2. Дар бораи услуби илмӣ маълумот диҳед.

3. Хусусиятҳои услуби бадеӣ кадомҳоянд?

4. Дар бораи услуби публитсистӣ нақл кунед.

5. Услуби гуфтугўӣ дар кадом ҳолатҳо истифода мешавад.

6. Дар бораи хусусиятҳои услубӣ корӣ маълумот диҳед.

7. Услуби корӣ кадом хели ҳуҷҷатҳоро дар бар мегирад?

Категория: Забони тоҷикӣ | Добавил: aplove
Просмотров: 336 | Загрузок: 0 | Рейтинг: 3.0/1
Всего комментариев: 0
Ном *:
Email:
Код *:
Реклама

Поиск

Друзья сайта

Copyright © Умаров Алибек 2019,. Все права защищены.